Ավելի քան 50 լրագրող վիրավորվել է Թբիլիսիում ԼԳԲՏ երթի հակառակորդների ցույցի ժամանակ, «ՌԻԱ Նովոստիի» փոխանցմամբ՝ հաղորդել է Վրաստանի ՆԳ նախարարությունը:
«55 մարդու նկատմամբ կիրառված բռնության դեպքեր են գրանցվել, այդ թվում ՝ տարբեր լրատվամիջոցների 53 ներկայացուցիչների նկատմամբ», – ասված է հայտարարության մեջ:
Վարչությունը հավելել է, որ վարչական իրավախախտումների համար 8 մարդ է բերման ենթարկվել:
Նշենք, որ հուլիսի 1-ին Թբիլիսիում սկսվեց Արժանապատվության շաբաթը, որի ընթացքում ԼԳԲՏ համայնքի անդամները մի շարք միջոցառումներ անցկացրեցին: Եզրափակիչ «Արժանապատվության երթը» պետք է տեղի ունենար երկուշաբթի, Մոսկվայի ժամանակով 17: 00-ին: Առավոտյան երթի մասնակիցների հակառակորդները սկսել են բողոքի ակցիա իրականացնել ՝ շրջափակելով կենտրոնական Ռուսթավելի պողոտան:
Ավելի ուշ «Արժանապատվության երթի» կազմակերպիչները հայտարարեցին, որ երթը չեղյալ է հայտարարվել:
