Հուլիսի 2-ի երեկոյան փոկայեցի 17-ամյա Վարոս Տերտերյանը մի քանի ընկերների հետ հանգստի է եղել Վրաստանի Փարվանա լճի մոտ:
Այս մասին «Ալիք Մեդիայի» հետ զրույցում ասել է Փոկայի բնակիչներից մեկը:
Ըստ նրա` ժամը 23:00-ի սահմաններում երիտասարդը ջուրն է մտել` լողանալու, ու հոսանքն անմիջապես տարել է նրան` ընկերների աչքի առաջ: Տղաները փորձել են փրկել, բայց չի հաջողվել: Վարոսի մարմինը գտել են միայն լուսադեմին: Այլ մանրամասներ դեռևս հայտնի չեն։ Ողբերգական դեպքի մանրամասները պարզվում են:
Ըստ լրատվականի զրուցակցի` Փարվանայի ջրում նման դեպք վերջին 2 տասնամյակում չի եղել։
