Ռուսաստանի և ԱՄՆ նախագահներ Վլադիմիր Պուտինի և Ջո Բայդենի հանդիպումը նախատեսված է անցկացնել ամռան ամիսներին, սակայն հստակ ժամկետը և վայրը դեռ որոշված չեն: Այդ մասին երկուշաբթի օրը հայտարարել է ՌԴ նախագահի մամուլի քարտուղար Դմիտրի Պեսկովը:
«Իրոք, որոշակի առաջարկներ են հնչել, ես դեռ չեմ կարող հաստատել օրը: Առայժմ օրի վերաբերյալ պայմանավորվածություններ չկան: Մենք իսկապես խոսում ենք ամռան ամիսների մասին,․․․շատ տարբեր գործոններ դեռ պետք է վերլուծվեն, որպեսզի վերջնական պայմանավորվածություններ ձեռք բերվեն», – ասել է նա:
Պեսկովը հավելել է, որ որևէ երկրի մասին դեռ չի խոսվել։
