Թուրքիայում ավտոբուսում տեղի ունեցած պատահարի արդյունքում զոհված ռուս կնոջ ամուսինը բացահայտել է աղետի մանրամասները ՝ տուր-օպերատորին մեղադրելով կնոջ մահվան մեջ, «ՌԻԱ Նովոստիի» փոխանցմամբ՝ հայտնում է «Մոսկվա 24» -ը:

43-ամյա կնոջ ամուսնու խոսքով ՝ ընկերությունը, չնայած եղանակային վատ պայմաններին, չի հետաձգել էքսկուրսիան, և դրանով մեղավոր է պատահարի համար։

«Ձյուն էր գալիս, բացարձակապես տեսանելիություն չկար: Ոչ ոք չէր զգուշացրել եղանակային նման պայմանների մասին», – բացատրել է նա:

Ամուսինն ասել է, որ ինքը և իր կինը ամրագոտիներ են կրել: Վթարից հետո նա կորցրել է կողմնորոշումը տարածության մեջ, և գիտակցության գալով ՝ տեսել է, որ կինը սեղմված է նստատեղին:

«Տղաները, ովքեր ավտոբուսում էին, օգնեցին. Նրանք իրենց ձեռքերով փորձեցին մաքրել հողը, ովքեր կարող էին, ամեն ինչ անում էին, բայց արդեն շատ ուշ էր», – ասել է նա:

Նշենք, որ ռուսաստանցի զբոսաշրջիկների հետ դժբախտ պատահար է տեղի ունեցել այսօր առավոտյան Թուրքիայի Քոնիա-Աքսարայ մայրուղում: Ավտոբուսը 32 ռուսներից բաղկացած խմբին տեղափոխել է Կապադովկիա: Ճանապարհին, որը պատված է եղել մերկասառույցով, վարորդը կորցրել է կառավարումը: Պատահարի հետևանքով վիրավորվել է 26 մարդ: Նրանց տեղափոխել են մոտակա քաղաքների հիվանդանոցներ։ Նրանց մեծ մասը ստացել են թեթև վնասվածքներ։