«Իսկանդեր» հրթիռային համակարգերը չեն կիրառվել Լեռնային Ղարաբաղում իրավիճակի սրման ժամանակ, և դա հաստատվել է, ասել է ՌԴ նախագահի մամուլի քարտուղար Դմիտրի Պեսկովը:

«Ո՛չ, որքանով ես հասկանում եմ, սա նոր տեղեկատվություն է: Ես չգիտեմ ՝ ​​արդյո՞ք այդ մասին հաղորդվել է զինվորականների միջոցով, արդյո՞ք մեր զինվորականներն այս մասին որևէ մանրամասն տեղեկատվություն ունեն: Դա, իհարկե, նրանց լիազորությունն է», – ասել է Պեսկովը՝ պատասխանելով հարցին՝ արդյոք նախագահը տեղյա՞կ է ադրբեջանական կողմի հաղորդագրության մասին ղարաբաղյան հակամարտության գոտում «Իսկանդեր» հրթիռի ռուսական բեկորներ հայտնաբերելու վերաբերյալ:

Պարզաբանելու համար, թե արդյոք «Իսկանդեր» հրթիռներ են օգտագործվել հակամարտության ընթացքում, Պեսկովը պատասխանել է. «Հիշու՞մ եք «Իսկանդերի» հետ կապված պատմությունը, որ դրանք չեն օգտագործվել հակամարտության ընթացքում: Դա հաստատված է»։

Հիշեցնենք, որ ապրիլի 2-ին Բաքվում ցուցադրել են «Իսկանդեր» հրթիռների մնացորդները: Արդբեջանի տարածքների ականազերծման գործակալության ներկայացուցիչ Իդրիս Իսմայլովն ասել է, որ դրանք հայտնաբերվել են Շուշիում մարտի 15-ին:

Ավելի վաղ Փաշինյանը հայտարարել էր, որ երրորդ նախագահ Սերժ Սարգսյանը պետք է պատասխանի, թե ինչու կրակած «Իսկանդերը» չի պայթել կամ պայթել է, օրինակ՝ 10 տոկոսով: Փաշինյանը նշել էր, թե չօգտագործված «Իսկանդերի» մասին երրորդ նախագահ Սերժ Սարգսյանի մեղադրանքներն ուղղված են իրեն:

Փետրվարի 25-ին ՌԴ պաշտպանության նախարարությունից հայտնել են, թե հայկական կողմը չի կիրառել «Իսկանդեր-Է» հրթիռային համալիրներ Լեռնային Ղարաբաղում հակամարտության ընթացքում։

Զենքի կիառումը հերքել էր նաև Ադրբեջանի նախագահ Իլհամ Ալիևը։