TikTok-ը կունենա նոր գործիքներ՝ կեղծ կամ անճիշտ տեղեկատվության տարածման դեմ պայքարելու համար:
Այս մասին հայտնում է «ՌԻԱ Նովոստի» լրատվական գործակալությունը։
Այս նոր գործառույթն արդեն այսօր պետք է սկսի աշխատել ԱՄՆ-ում և Կանադայում, մի քանի շաբաթվա ընթացքում գործառույթը կակտիվանա ամբողջ աշխարհում:
Ինչպես պարզաբանվել է TikTok- ից, հրապարակված տեսանյութերը ստուգվում են արդյոք իրական են, թե ոչ հատուկ փորձագիտական ծառայությունների կողմից: Եթե ծառայությունները հաստատում են ապատեղեկատվությունը, ապա բովանդակությունը հանվում է հարթակից:
Նոր գործառույթով, եթե փորձագետները վստահ չեն ճշգրտության մեջ կամ չեն կարող հաստատել տվյալների ճշգրտությունը, TikTok- ը դրոշ կդնի այնպիսի տեսանյութերի վրա, ինչպիսին է օրինակ՝ «չստուգված բովանդակություն»-ը:
Տեսանյութի հեղինակները կտեղեկացվեն այս մասին և կհաղորդվեն նրանց, որ պարզեն տեղեկատվությունը:
Երբ փորձում են նման բովանդակություն տարածել, օգտվողները կտեսնեն նաև ծանուցում չստուգված տեսանյութերի մասին և առաջարկություն` փոխել իրենց կարծիքը կամ շարունակել տարածել:
«Այս լրացուցիչ քայլը պահանջում է դադար, որպեսզի մարդիկ հաշվի առնեն իրենց հաջորդ գործողությունը և ընտրեն «փակել» կամ «համենայն դեպս կիսել»», – բացատրվում է ծառայության կայքում:
Նշվում է, որ գործառույթը փորձարկելիս չհաստատված բովանդակությամբ տեսանյութերի վերահրապարակման քանակը նվազել է 24 տոկոսով, իսկ դրանց տակ հավանումների քանակը նվազել է յոթ տոկոսով:
