Աշխարհում կորոնավիրուսի դեմ պատվաստանյութերի պակասը հսկայական է, ինչը մեծ անհավասարության է բերում մի շարք երկրներում։ Այս մասին հայտարարել է Ռուսաստանի Դաշնությունում Առողջապահության համաշխարհային կազմակերպության (ԱՀԿ) ներկայացուցիչ Մելիտա Վույնովիչը:
«Իհարկե, պատվաստանյութերի պակասը (կորոնավիրուսային վարակի համար) ամբողջ աշխարհում հսկայական է: Եթե հիմա նայենք, պատվաստանյութերը հասանելի են բարձր եկամուտ ունեցող երկրներում, ինչը մեծ անհավասարության է հանգեցնում», – ասել է Վույնովիչը «Ռոսիա 24» հեռուստաալիքի եթերում:
Հիշեցնենք, որ այս տարվա սկզբին դեղերի եվրոպական գործակալությունը թույլատրել է Եվրոպական Միության տարածքում կորոնավիրուսի դեմ Moderna պատվաստանյութի օգտագործումը:
Ռուսաստանը մշակել և սկսել է Sputnik V-ով պատվաստումները իր երկրի քաղաքացիների համար։ Sputnik V-ի մեծ խմբաքանակ է ձեռք բերել Արգենտինան։
Եվրոպական որոշ երկրներ էլ ձեռք են բերել Pfizer ամերիկյան ընկերության պատվաստանյութերը։
