Երկրապահ կամավորականների միության պաշտոնական էջից տեղեկանում ենք.
«Դիմելով երկրապահ կամավորականներին Վազգեն Սարգսյանն ասաց. «եթե մենք հանրապետությունում ունենք այսքան հավատի, հույսի սյուներ, ուրեմն մենք, անկասկած հաղթանակ ենք տանելու»:
Եվ այսօր, ահա, պարտադրված այս պատերազմում մեր բանակը, մեր կամավորականները, ազատամարտիկները, երկրապահները՝ սահմանին կանգնած մեր հավատի ու հույսի սյուները շարունակում են այդ պատգամը՝ ամեն օր հերոսաբար կերտելով մեր ապագան:
Երկրապահ կամավորականների միության եւ վարչության անդամներն այսօր՝ հոկտեմբերի 27-ին «Եռաբլուրի» բարձունքում ծաղիկներ դրեցին ԵԿՄ հավերժ նախագահ, Սպարապետ Վազգեն Սարգսյանի շիրիմին:
Փա՛ռք Քեզ Սպարապետ, քո սխրանքն անմահ է, քո անունը՝ մեր սրտերում, Փա՛ռք Երկրապահին, ազատամարտիկներին,
Փա՛ռք մեր բանակին,
Փա՛ռք նահատակված քաջերին,
Կեցցե՛ Հայաստան, Արցախ, Սփյուռք եռամիասնությունը»:
