.png)
Արդեն 3 օր է, ինչ մայրաքաղաքի սրտում՝ Աբովյան փողոցում արցախցի Արմինե Աբրահամյանն աղջկա հետ ժենգյալով հաց է թխում։ Ստացված հասույթը ուղարկում են «Հայաստան» համահայկան հիմնադրամին, օգնում են բանակին:
Ժենգյալով հացի հերթը բազմամարդ է, բոլորը համբերատար սպասում են իրենց հերթին:
Տիկին Արմինեն ասում է, որ արդեն 15 տարի է այս գործով է զբաղվում, Արցախում բոլորն իրեն ճանաչում էին:
«Երկու օր առաջ իմացա, որ իմ տունն էլ է քանդվել, չեմ նեղվում, կարևորը, որ մեր երեխաները ողջ լինեն»,- ասում է Արմինե Աբրահամյանն ու հույս հայտնում, որ ամեն բան լավ է լինելու:
