ՀՀ վարչապետ Նիկոլ Փաշինյանը ֆեյսբուքյան ուղիղ եթերի ընթացքում խոսում է կոմունալ ճգնաժամի ավարտի մասին։
Նա նշել է, որ չվճարվող կոմունալների պատճառով արտակարգ դրության պայմաններում երկրի էներգահամակարգը կանգնել էր կոլապսի վտանգի առջև։
Վարչապետը տեղեկացրել է, որ կառավարությունը կփոխհատուցի 25.000 դրամի էլէներգիա և 40.000 դրամի գազ սպառած քաղաքացիների վարձավճարները՝ գումարի 30 տոկոսի չափով․ «Այս պարագայում կունենանք 207 հազար 837 էլեկտրաէներգիայի բաժանորդ և 81 հազար 697 գազի բաժանորդ»:
Նիկոլ Փաշինյանը նշեց, որ չգազիֆիկացված 310 գյուղերի բնակիչների համար էլեկտրաէներգիայի ծախսը կառավարությունը կփոխհատուցի 50 տոկոսով: Միաժամանակ, այն բաժանորդները, որոնք մարտ ամսվա համար մինչև 3000 դրամ ջրի սպառում են ունեցել, ապա նրանց վարձավճարի 50 տոկոսը ևս գործադիրը կփոխհատուցի:
