Նախագահ Ալեքսանդր Լուկաշենկոն ասել է, որ Բելառուսում մարդիկ մահանում են ոչ թե կորոնավիրուսից, այլ քրոնիկ հիվանդություններից, որոնք զարգանում են դրա ֆոնին: Այս մասին հայտնում է Belta.by-ը։
«Մարդիկ վախենում են: Ուստի ես ուզում եմ նրանց ասել հետևյալը. Մեր երկրում ոչ մի մարդ չի մահացել կորոնավիրուսից: Ոչ մեկը: Նրանք մահացան իրենց քրոնիկ հիվանդությունների պատճառով», – ասել է Լուկաշենկոն:
Նա շեշտել է, որ կորոնավիրուսով ախտորոշված հիվանդները մահանում են սրտանոթային անբավարարությունից, շաքարային դիաբետից և այլ քրոնիկ հիվանդություններից: Նա կորոնավիրուսը անվանեց «մթնոլորտ», որում հիվանդությունները զարգանում են:
Լուկաշենկոն նաև ասել է, որ Բելառուսում ոչ ոք չի մեռնի կորոնավիրուսից: Նրա խոսքով ՝ արդեն հայտնաբերվել են բուժման համար դեղերի համակցություններ, և բժիշկները պայքարելու են յուրաքանչյուր հիվանդի համար:
Ապրիլի 13-ին Բելառուսում կորոնավիրուսով վարակվածների թիվը հասել է 2919-ի: Բուժվել է 203 մարդ, 29-ը՝ մահացել: Բելառուսը դեռևս չի մտցրել խիստ սահմանափակիչ միջոցներ վարակի կանխարգելման համար:
