Կառավարությունում տեղի ունենում Առողջապահության նախարար Արսեն Թորոսյանի մամուլի ասուլիսը։
Նախարարը տեղեկացրեց, որ այս պահին ունենք կորոնավիրուսով վարակման 122 հաստատված դեպք․
«Բոլորի վիճակը բավարար է և վարակվածներից ոչ մեկի կյանքին վտանգ չի սպառնում։ 38-ից բարձր ջերմություն ունի ընդամենը 5 հոգի։ 60-ից բարձր տարիքի անձինք 13-ն են, որոնցից ոչ մեկի ջերմությունը այս բարձրերի մեջ չի մտնում: Կարող եմ ասել, որ որևէ մեկի կյանքին վտանգ չի սպառնում։ Նաև սպասում ենք, որ արտադրամասից կորոնավիրուսով ախտորոշված պացիենտների թիվը շատանալու է»,-նշեց Արսեն Թորոսյանը:
Նախարարը տեղեկացրեց նաև, որ կլինեն հատուկ հիվանդանոցներ, որոնք կսպասարկեն միայն կորոնավիորւսով վարակվածներին․
«Չեմ նշի այս պահին այն ԲԿ-ների անունները, որոնք կսպասարկեն միայն վարակվածներին, քանի որ ցանկը դեռ հստակեցված չէ։ Նշեմ, որ դա վերաբերվում է նաև մարզերին, այսինքն մարզային հիվանդանոցներում վարակվածներ չեն բուժվելու։Նրանք բուժում կստանան հատուկ առանձնացված ԲԿ-ներում»։
