ՀՀ վարչական դատարանը, Սևանի նստավայրում, քննեց վարչական գործն ըստ հայցի Արմեն Կարապետյանի ընդդեմ Մարտունու նոտարական տարածքի նոտար Սուսաննա Մելքոնյանի՝ ժառանգության ընդունման վերաբերյալ տրված դիմում-հայտարարությունը ընդունելուն պարտավորեցնելու պահանջի մասին:

Արմեն Կարապետյանի ծնողները հանդիսացել են Վարդնիկ գյուղի բնակիչներ, որի վարչական տարածքում գտնվում է նրանց պատկանող հիմնական գույքը։ Հայցվորի հայրը՝ Դանիել Հրաչյայի Կարապետյանը, մահացել է 2011թ. նոյեմբերի 23-ին, որը հաստատվում է 2011թ. մայիսի 21-ին տրված ԱԲ թիվ 080697 մահվան վկայականով։
Դանիել Կարապետյանի մահվանը հաջորդող 6-րդ ամսվա վերջին օրը՝ 2012թ. մայիսի 23-ին, հայցվորը Նոտարին հայտարարություն է ներկայացրել և դիմում` իր կողմից հոր մնացած ժառանգությունն ընդունելու մասին։ Սակայն Նոտարը հայտնել է, որ իր դիմում-հայտարարությունը չի կարող ընդունել, քանի որ անհրաժեշտ է, որ մյուս ժառանգները ես գան նոտարական գրասենյակ և ներկայացնեն հոր ժառանգությունն ընդունելու կամ դրանից հրաժարվելու վերաբերյալ դիմում։

Հայցվորը 2012թ. մայիսի 23-ի հայտարարությունը Նոտարին է հանձնել փոստային առաքման եղանակով, այլ ոչ թե անձամբ, սակայն Նոտարը հայտնել է, որ իր դիմում-հայտարարությունը չի կարող ընդունել, քանի որ անհրաժեշտ է, որ մյուս ժառանգները ես գան նոտարական գրասենյակ և ներկայացնեն հոր ժառանգությունն ընդունելու կամ դրանից հրաժարվելու վերաբերյալ դիմում։

Դատարանը գտել է, որ Նոտարը չի մերժել հայցվորի հայտարարության ընդունումը, քանի որ բացակայում է հոր ժառանգությունն ընդունելու մասին նրա հայտարարության հիման վրա հայցվորին ժառանգության իրավունքի վկայագիր տալը մերժելու մասին Նոտարի կողմից ընդունված որոշումը, դատարանը եզրահանգում է, որ հայցը հիմնավորված չէ, հետևաբար այն ենթակա է մերժման։

Սույն գործի քննությունը շարունակվում է ՀՀ վերաքննիչ վարչական դատարանում:

Աղբյուրը` Իրավաբան.net