Մոսկվաբնակ սկանդալային սթրիթռեյսեր Մառա Բաղդասարյանի հորը զրկել են ՌԴ քաղաքացիությունից։ Այս մասին հայտնում է РИА Новости-ին՝ հղում կատարելով նրա փաստաբան Դավիթ Կեմուլարիային:

Ըստ նրա, Էլմար Բաղդասարյանը ներքին գործերի նախարարության մայրաքաղաքային գրասենյակից հաղորդագրություն է ստուգման արդյունքների վերաբերյալ: «Դուք օրենսդրությամբ սահմանված կարգով չեք ձեռք բերել Ռուսաստանի Դաշնության քաղաքացիություն: Ռուսաստանի Դաշնության քաղաքացու անձնագիրը համարվում է տրված` սահմանված կարգի խախտումով», – ասվում է հայտարարության մեջ:

Իրավական կարգավիճակը կարգավորելու համար գերատեսչությունն առաջարկում է ձեռք բերել ժամանակավոր կացության իրավունք, բնակության թույլտվություն և դիմել քաղաքացիություն ստանալու համար:

Փաստաբանն այս որոշումը համարում է անօրինական. Բաղդասարյանը Ռուսաստանում ապրել է մինչև 1991 թվականը և ավտոմատ ստացել է Ռուսաստանի անձնագիր: «Անձնագիրը տրվել է  ավտոմատ, և դուք չեք կարող այն վերցնել։ Մենք կբողոքարկենք այս որոշումը դատարանում», – ասաց Կեմուլարիան:

Հիշեցնենք, որ Մառա Բաղդասարյանը վերջին մի քանի տարիներին դատարանի առաջ է կանգնել Gelandewagen մակնիշի մեքենայով Մոսկվայի փողոցներով գերարագ երթևեկության համար։ 2017-ին նրան զրկել են վարորդական իրավունքից։ Վթարի ժամանակ ստացած վնասվածքից հետո բժիշկները նրա մոտ «էպիլեպսիա» են ախտորոշել, որից հետո նա վարորդական իրավունքը կարող է հետ ստանալ միայն բժշկի համաձայնությամբ։

Չնայած դրան՝ Մառան շարունակում էր երթևեկել մեքենայով առանց վարորդական իրավունքի և մի քանի անգամ կրկին հայտնվել է պետավտոտեսուչների ուշադրության կենտրոնում։