Մոսկվայի քաղաքային դումայի ազատ ընտրությունների անցկացման պահանջով ցուցարարները հանրահավաք են անցկացնում քաղաքի կենտրոնում։ Дождь-ը, հղում տալով ոստիկանությանը հայտնում է, որ այս պահին ձերբակալվածների թիվը հասել է 264-ի:
Ձերբակալությունները սկսվել են հանրահավաքից երկու ժամ առաջ: Հանրահավաքին միանալու ճանապարհին ձերբակալվել է Հակակոռուպցիոն հիմնադրամի տնօրեն Իվան Ժդանովը, ինչպես նաև Մոսկվայի քաղաքային դումայի չգրանցված թեկնածուներ Յուլիա Գալյամինը և Դմիտրի Գուդկովը:
Ավելի վաղ, դատախազությունը հայտարարել էր, որ քաղաքային դումայի 15 թեկնածուների մասով վարչական հետաքննություն է անցկացնում՝ հանրահավաք անցկացնելու կոչերի համար:
