Ինչպես ԱԻՆ Հիդրոմետ ծառայություն է տեղեկացրել օդի ջերմաստիճանը փետրվարի 2-3-ը կնվազի 10-15 աստիճանով: Երևանում սպասվում է մինչև -25 աստիճանի ցուրտ, մարզերում մինչև -30:
Այն հարցին, թե արդյո՞ք հնարավոր է դպրոցներում արձակուրդային օրեր լինեն՝ կապված ցրտերի հետ, կրթության և գիտության նախարարի մամուլի խոսնակ Լուսինե Մարգարյանը պատասխանեց՝ ոչ:
«Եթե հիշում եք, ձմեռային արձակուրդից հետո ԿԳ նախարարը շրջաբերական տարածեց բոլոր մարզպետներին այն մասին, որ այն դպրոցներում, որտեղ բավարար ջերմաստիճանը ապահովված չէ, կարող են դասերը սկսել ժամը 10-ին և յուրաքանչյուր դասը կես ժամ տևողությամբ: Մեր վիճակագրությամբ բոլոր դպրոցները բավարար ջերմաստիճանով ապահովված են»,- ասաց նա:
