Կառավարության նոյեմբերի 18-ի նիստին ֆինանսների նախարար Վարդան Արամյանը գործադիրի անդամների հավանությանը կներկայացնի նոր պետական հիմնարկի լուծարման վերաբերյալ որոշման նախագիծ:
Համաձայն այդ փաստաթղթրի՝ կլուծարվի ֆինանսների նախարարության «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպությունը:
Ֆինանսների նախարարին կհանձնարարվի սույն որոշումն ուժի մեջ մտնելուց հետո 15-օրյա ժամկետում ստեղծել ֆինանսների նախարարության «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպության լուծարման հանձնաժողով և ապահովել լուծարման գործընթացը:
Միևնույն ժամանակ կստեղծվի ֆինանսների նախարարության աշխատակազմի «Գների ուսումնասիրության և վերլուծության» գործակալություն:
