Երեկ` հուլիսի 26-ին, Հայաստանի Հանրապետության իշխանությունները, չարձագանքելով իմ գրավոր դիմումներին, փաստացի մերժեցին ապահովել մեր ապստամբած քաղաքացիներին սնունդ և ջուր փոխանցելու հնարավորությունը: Նրանց կողմից իրենց պարտականությունները չկատարելու վերաբերյալ պարզաբանում չտրվեց՝ նրանք լռեցին: Նրանց լռությունը արյունոտ է և աղետալի: Հասկանալի է, որ Հայաստանի Հանրապետությունում չեն գործում իշխանությունները, սակայն հասկանալի չէ մեր հոգևոր առաջնորդի` Ն. Ս. Օ. Տ.Տ. Գարեգին Բ Ամենայն Հայոց Կաթողիկոսի և Հայ Առաքելական եկեղեցու հոգևոր բոլոր առաջնորդների լռությունը, ում ես նույնպես դիմել էի՝ մեր ապստամբած քաղաքացիներին հոգատարություն ցուցաբերելու խնդրանքով:
Հարգելի՛ հոգևոր առաջնորդներ, մեր ապստամբած հայրենակիցները ապստամբել են մեր ժողովրդի և ազգային իրավունքների համար: Որպեսզի դուք չլքեք վանքերը` եկեք հիշենք մեր հայոց հովվապետին` Գևորգ Ե Ամենայն Հայոց Կաթողիկոսին, ով 1918 թվականին հրամայեց օր ու գիշեր հնչեցնել բոլոր եկեղեցիների զանգերը և ոտքի հանել ժողովրդին:
Հնչեցրե՛ք մեր եկեղեցիների զանգերը, կագնե՛ք պաշտպան մեր հայրենիքին:
Զարուհի Փոստանջյան
ՀՀ ԱԺ «Ժառանգություն» խմբակցության պատգամավոր
