ՀՀ հատուկ քննչական ծառայության պետ, արդարադատության գեներալ-լեյտենանտ Վահրամ Շահինյանն այսօր հանդիպում է ունեցել Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան պարոն Լուկաս Գասսերի հետ։ Այս մասին հայտնում են ՀՔԾճ-ից:
Ըստ աղբյուրի՝ Հանդիպման ընթացքում կողմերը քննարկել են իրավական համագործակցության վերաբերյալ ընդհանուր հետաքրքրություն ներկայացնող մի շարք հարցերի լայն շրջանակ:
Վահրամ Շահինյանը Լուկաս Գասսերի խնդանքով ներկայացրել է ՀՀ հատուկ քննչական ծառայության դերն ու առանձնահատկությունները իրավապահ այլ մարմինների համակարգում՝ նշելով, որ ՀՀ հատուկ քննչական ծառայությունը հանդիսանում է օրենքի հիման վրա ստեղծված, անկախ և գերատեսչական կախվածությունից զերծ նախաքննական մարմին:
Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան պարոն Լուկաս Գասսերը շնորհակալություն հայտնելով հանդիպման համար, իր խոսքում կարևորել է Շվեյցարիայի Համադաշնության իրավապահ համակարգում նմանօրինակ գործառույթներ ունեցող կառույցի և Հայաստանի Հանրապետության հատուկ քննչական ծառայության միջև ստեղծվող արդյունավետ համագործակցության դիրքորոշումը` քննչական մեթոդիկայի, քննության կազմակերպման և փորձի փոխանակման շրջանակներում:
Երկկողմ հետաքրքրություն ներկայացնող մի շարք հարցերի վերաբերյալ կողմերը հստակեցրել են համագործակցությունը զարգացնելու ուղղությունները:
