Նորություններ

Հայաստանյան շաքարի և բանանի շուկան

Հայաստանում ազատ տնտեսական մրցակցության խնդիրների մասին խոսելիս առաջին հերթին մատնացույց են արվում շաքարի և բանանի շուկաները։ Երերք տարբեր պաշտոնական աղբյուրներից հավաքագրել և վերլուծել ենք այս երկու շուկաներում առկա իրավիճակը։

Այսպես, երևանյան խանութներում ներկայումս շաքարավազի 1 կիլոգրամի արժեքը տատանվում է 400 դրամի սահմաններում: Վերջին տարիներին, պաշտոնական տվյալներով, ամենաէժան գինը եղել է 2015 թվականին՝ 350,2 դրամ, իսկ հաջորդ տարի նույն ժամանակաշրջանում գինն էականորեն բարձրացրել է՝ 402,9 դրամ:

Հայաստանում շաքարի պահանջարկը բավարարվում է հիմնականում ներկրումների միջոցով: Ներկրվում է ինչպես պատրաստի շաքար և շաքարավազ,  այնպես էլ շաքարի հումք: Եվ եթե պատրաստի արտադրանքը ներկրվում է պաշտոնապես մի քանի ընկերության կողմից, ապա շաքարի հումքի դեպքում մենաշնորհային դիրքում է «Ալեքս գրիգ» ՍՊ ընկերությունը:

Պետական եկամուտների կոմիտեից կողմից Իրավաբան.net-ին տրամադրված տվյալների համաձայն՝ «Ալեքս գրիգ» ընկերության կողմից շաքարի հումք ներկրվում է միայն Բրազիլիայից: 2013 թվականին ներկրվել է 74,781.1 տոննա շաքարի հումք, 2014-ին՝ 93,801.9 տոննա, 2015-ին՝ 56,380.0 տոննա, 2016-ին՝ 57,910.0 տոննա, իսկ 2017-ի առաջին եռամսյակում՝ 23,122.1 տոննա:

Պատրաստի շաքարի/շաքարավազի ներկրման ծավալներն անհամեմատելիորեն նվազ են. 2013-ին ներկրվել է 4,993.3 տոննա, 2014-ին՝ 6,434.4 տոննա, 2015-ին՝ 5,274.9 տոննա, 2016-ին՝ 3,644.1 տոննա, իսկ 2017-ի առաջին եռամսյակում՝ 8,466.3 տոննա  շաքար:

 

Պետական եկամուտների կոմիտեի տրամադրված տվյալների համաձայն վերջին տարիների ընթացքում բանանկի ներրկման ծավալներն էականորեն աճել են։

Բանանի 1 կիլոգրամի արժեքը երևանյան խանութներում 630-680 դրամի սահմաններում է տատանվում։ Պաշտոնական տվյալներով՝ այս տարի ամենաէժանն է եղել այս միրգը․ նախորդ տարիներին 840 դրամից գինը ցածր չի եղել։

2016 թվականից հետո բանանի գնի բավականին մեծ անկումը պատճառաբանվում է շուկայի որոշակիորեն ազատականացմամբ։ Նոր ներկրողներ իհայտ եկան դաշտում, որոնց գործունեությունը թեև առանց խոչընդոտների չի անցնում, սակայն իրենց լուրջ ներդրում են ունեցան շուկայում։ Մասնավորապես, գործարար, մարկետոլոգ Վահրամ Միրաքյանը մեզ հետ զրույցում նշել է․ «Մենք սուպերմարկետներին հանձնեցինք շուկայականից 30 տոկոս մատչելի գնով և հենց Ամանորից առաջ (2016 թվականի վերջին) էլ սուպերմարկետներում սկսվեց վաճառքը: Որոշ տեղերում վաճառվում էր 1 կգ-ը 700 դրամով, որոշ տեղերում՝ մինչև 1200 դրամով: Բայց ո՞վ էր տեսել, որ Ամանորից առաջ բանանը 700 դրամով վաճառվեր»։

Իսկ ահա երկու ամիս առաջ գործարարը ահազանգել էր այն մասին, որ իրենց կողմից ներկրվող բանանի սառնարարանները փչացնելու փորձ է կատարվել․ անհայտ անձիք գիշերը մտել ու ծծմբաթթու էին լցրել սառնարանների կոպրեսատորների վրա։ Գործը դեռևս քննության փուլում է և դեռևս էական ոչինչ չի բացահայտվել։

 

Աստղիկ Կարապետյան

Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել