Դատախազ Հակոբ Մելքոնյանը այսօր պետք է ներկայանար իր ճառով, սակայն միջնորդություն ներկայացրեց, որ երկու ժամ ժամանակ տալ, ճառը ներկայացնելու համար:

Դատական դեպարտամենտի նախկին ղեկավար Միսակ Մարտիրոսյանը և հիմնարկի մյուս պաշտոնատար անձինք մեղադրվում են կայուն խումբ ստեղծելու և այդ խմբով տևական ժամանակ ՀՀ պետբյուջեից 115.782.033 ՀՀ դրամի չափով գումար յուրացնելու մեջ: Միսակ Մարտիրոսյանին նաև մեղադրանք է առաջադրվել խոշոր չափերի կաշառք վերցնելու համար:

Մեղադրող դատախազը դատավորից խնդրեց ողջամիտ ժամկետ տրամադրել իրեն` մեղադրանքը մի քանի ամբաստանյալների նկատմամբ փոփոխելու համար: Դատարանը բավարարեց միջնորդությունը:

Դատական դեպարտամենտի նախկին ղեկավարի և մյուսների գործով վերսկսված դատաքննության ընթացքում այսօր՝ ապրիլի 27-ին դատարանում վկայի կարգավիճակով երկու պաշտոնյաներ հարցաքննվեցին: Նրանց հարցեր ուներ մեղադրող դատախազ Հակոբ Մելքոնյանը:

Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ Դատական դեպարտամենտի նախկին ղեկավար Միսակ Մարտիրոսյանի և մյուսների գործով հերթական դատական նիստը:

Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում չկայացավ դատական դեպարտամենտի նախկին ղեկավարի և մյուսների գործով դատական նիստը:

Դատավոր Արշակ Վարդանյանը դատական նիստը հետաձգեց: Մեղադրողի ճառը կողմերը կլսեն հաջորդ դատական նիստին:

Կենտրոն և Նորք-Մարաշ քրեական դատարանում մարտի 9-ին տեղի ունեցավ Միսակ Մարտիրոսյանի և մյուսների գործով հերթական նիստը, որի ընթացքում Միսակ Մարտիրոսյանի պաշտպանը միջնորդություն ներկայացրեց՝ խնդրելով դատարան հրավիրել գործը քննող քննիչին:

Դատական դեպարտամենտի նախկին ղեկավարի և մյուսների գործով այսօր դատարանում հարցաքննվեց Միսակ Մարտիրոսյանը:

Լիլիան բերեց պայմանավորված գումարը` 1000 դոլարը, ծրարի մեջ, դրեց սեղանին: Լիլիայի սենյակից դուրս գալով` հաշվեցի գումարը, տեսա, որ 1000 դոլար է, հաշվի առնելով, նախորդ անգամ չարքաչանքիս համար չվարձատրելու հանգամանքը, ես Լիլիայի փողից 200 դոլար պահեցի ինձ, մնացած 800 դոլարը տարա Մարտիրոսյանին

2004 թվականից սկսած հիմնարկի ղեկավարությունը մշտապես դժգոհ է եղել ցածր աշխատավարձերից, խնդրին այդպես էլ լուծում չի տրվել, ուստի Արմեն Մովսիսյանն առաջարկել է փաստացի չաշխատող դատական կարգադրիչներ գրանցել աշխատացուցակներում, իսկ նրանց աշխատավարձերը յուրացնել:

Կենտրոն և Նորք-Մարաշ ընդհանուր իրավասության դատարանում այսօր՝ փետրվարի 2-ին, Դատական դեպարտամենտի նախկին ղեկավարի և մյուսների գործով ցուցմունք տվեցին ամբաստանյալներից երեքն, այդ թվում՝ հիմնարկի պետի նախկին տեղակալ Գեղամ Գրիգորյանը: