Թուրքիայի նախագահ Ռեջեփ Թայիփ Էրդողանը զգուշացրել է այն ռիսկի մասին, որ Իսրայելի աճող ագրեսիան տարածաշրջանը կվերածի համապարփակ պատերազմական գոտու, այս մասին գրում է РИА Новости-ն։
Էրդողանը չորեքշաբթի օրը նախագահական համալիրում ընդունել է Իրաքյան Քրդստանի առաջնորդ Նեչիրվան Բարզանիին։
Հանդիպման ընթացքում քննարկվել են թուրք-իրաքյան հարաբերությունները, ինչպես նաև տարածաշրջանային և գլոբալ իրադարձություններ։
«Նախագահ Էրդողանն ասել է, որ վտանգ կա, որ Իսրայելի աճող ագրեսիան տարածաշրջանը կվերածի համապարփակ պատերազմական գոտու, որ Թուրքիան մեծ նշանակություն է տալիս ողջ տարածաշրջանի կայունությանը և անվտանգությանը և որ նա բարձր է գնահատում Իրաքի իշխանությունների ջանքերը՝ երկիրը հակամարտությունից զերծ պահելու համար»,- ասված է հայտարարության մեջ։
