ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը ֆեյսբուքյան իր էջում գրառում է արել․
«Երեկ Գյումրու դպրոցներից մեկից բողոք ստացա, թե մի ամբողջ դպրոցի անձնակազմ մեր իշխանությանն ամոթանք է տալիս, իբր նախարարությունից հրաման է եղել՝ հանելու դպրոցում առկա պատերազմում զոհված հերոսների նկարները, ավելին՝ ով չհանի, նկատողություն է ստանալու:
Առաջին արձագանքս, իհարկե, այն էր, որ կրկին հատուկ կեղծ լուրեր են տարածում դպրոցում: Նախարարից հավելյալ ճշտելուց հետո արդեն վստահորեն կարող եմ հաստատել նախնական արձագանքս:
Հեռո՛ւ պահեք ձեր «կեղտոտ ձեռքերը» ուսումնական հաստատություններից՝ այն էլ այդպիսի նուրբ ու զգացական թեմա շահարկելով»:
