Հայաստանում Ռուսաստանի դեսպանությունը հաղորդագրություն է տարածել

Հայ վարորդի մասնակցությամբ մերձմոսկովյան Պոդոլսկ քաղաքի մերձակայքում տեղի ունեցած ճանապարհատրանսպորտային պատահարի ու դրա շուրջ զարգացումների կապակցությամբ այսօր հաղորդագրություն է տարածել Հայաստանում Ռուսաստանի դեսպանությունը:

«Ցավալի է, որ ս․թ․ հուլիսի 13-ին մերձմոսկովյան Պոդոլսկ քաղաքի մերձակայքում տեղի ունեցած ճանապարհատրանսպորտային պատահարը, որի արդյունքում 18 մարդ է զոհվել, առանձին անձինք օգտագործում են հակառուսական կրքեր բորբոքելու համար: Միանգամայն անտեղի ենք համարում այդ մեծ մարդկային ողբերգությունը քաղաքական նպատակներով օգտագործելուն եւ ռուս-հայկական հարաբերությունները խաթարելուն ուղղված գործողությունները: Անընդունելի են պատվիրված քաղաքականացված գնահատականները: Պոդոլսկի մերձակայքում տեղի ունեցած ողբերգությունը ազգային երանգավորում չունի, այն կհետաքննվի համակողմանի, մանրակրկիտ ու անկողմանակալ կերպով եւ առանց զգացմունքայնության», – ասվում է ՀՀ-ում ՌԴ-ի դեսպանության տարածած հաղորդագրությունում:

 

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել