Ալեքսանդր Լուկաշենկոն մեկնել է Մոսկվա՝ բանակցություններ վարելու Ռուսաստանի նախագահ Վլադիմիր Պուտինի հետ՝ ի թիվս այլ հարցերի քննարկելու Ուկրաինայի պատերազմը, փոխանցում է Украинская правда-ն:
Նշվում է, որ Մոսկվայում նրանք կքննարկեն՝ երկկողմ հարաբերությունների արդիական հարցերը, դաշնակցային համագործակցության զարգացումը, տնտեսական համագործակցությունը պատժամիջոցների ճնշման պայմաններում։
Նշվում է, որ օրակարգում է նաև «իրավիճակը տարածաշրջանում և Ուկրաինայում»։
__________
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
