Հիվանդությունից հետո բարդություններ են առաջանում, որոնք առավել հաճախ հանդիպում են թույլ իմունիտետ ունեցող մարդկանց մոտ։
Այս մասին «Ռոսիա 1» հեռուստաալիքի եթերում ասել է բժիշկ և հեռուստահաղորդավար Ալեքսանդր Մյասնիկովը, փոխանցում է «ՌԻԱ Նովոստին»։
Բժշկի խոսքով, «հետքովիդյան համախտանիշը» չունի հատուկ ախտանիշներ:
«Ծանր գրիպից, ծանր բակտերիալ վարակից և ցանկացած ծանր վարակիչ հիվանդությունից հետո, դեպքերի այս կամ այն տոկոսի մեջ միշտ առաջանում են հետինֆեկցիոն բարդություններ: Կորոնավիրուսը բացառություն չէ, ուստի կարիք չկա ասել, որ հենց Covid-19-ն է առաջացնում սա»,- պարզաբանել է Մյասնիկովը։
Բժիշկը նշել է, որ COVID-19-ի դեպքում օրգանիզմի վերականգնումն արագ է ընթանում, բայց եթե խոսքը թոքաբորբի մասին է, ապա այս դեպքում ավելի շատ ժամանակ կպահանջվի։
Նա ընդգծել է, որ առողջ և շարժուն մարդիկ ավելի քիչ են հակված բարդությունների և երկարատև վերականգնման՝ ի տարբերություն տարբեր խրոնիկական հիվանդություններով տառապողների։
Հետքովիդյան համախտանիշը տհաճ է, որը երկար ժամանակ կարող են զգալ այն մարդիկ, ովքեր ունեցել են կորոնավիրուսային վարակ:
«Հիվանդների ամենատարածված բողոքները և բժիշկների կողմից հայտնաբերված ռիսկերը կապված են սրտանոթային համակարգի աշխատանքի խանգարումների հետ»,- ասել է բժիշկ, սրտաբան Զաուրբեկ Շուգուշևը:
