«Ռիա Նովոստի»-ն գրում է, որ մահացել է Կորեայի Ժողովրդա-Դեմոկրատական Հանրապետության հիմնադիր Կիմ Իր Սենի կրտսեր եղբայրը՝ Կիմ Յոն Ջուն: Երկրի ներկայիս ղեկավար Կիմ Ձոնգ Ընը (Կիմ Չեն Ըն) երեքշաբթի օրը ծաղկեպսակ է ուղարկել հորեղբոր գերեզմանին։
Կիմ Յոն Ջուն տարիներ շարունակ զբաղեցրել է կուսակցական և պետական կարևոր պաշտոններ, մեծ ներդրում է ունեցել հանրապետության հզորացման և զարգացման գործում։ Կիմ Յոն Ջուն մահվան ստույգ ամսաթիվը չի հաղորդվում։
«Կիմ Ձոնգ Ընի անունից դեկտեմբերի 14-ին ծաղկեպսակ է դրվել մահացածի գերեզմանին»,- հայտնում է Կորեայի կենտրոնական հեռագրական կենտրոնը։
Հարավկորեական Yonhap գործակալության փոխանցմամբ՝ Կիմ Յոն Ջուն ծնվել է 1920 թվականին: Վերջինս կարևոր պաշտոն է զբաղեցրել կուսակցությունում եղբոր, Կիմ Իր Սենի օրոք։
Կիմ Յոն Ջուն վերջին անգամ ԿԺԴՀ պետական լրատվամիջոցներում հայտնվել է 2015 թվականին։
