ԶԼՄ- ներին տված հարցազրույցում Թուրքիայի նախագահ Ռեջեփ Թայիփ Էրդողանը, ով այցով գտնվում է ԱՄՆ -ում, ասել է, որ «Հինգի պլատֆորմ» կամ «Վեցի պլատֆորմ» ստեղծելու առաջարկության հետ կապված դրական ուղերձներ է ստանում ՀՀ վարչապետ Նիկոլ Փաշինյանից։
Այս մասին հայտնում են ադրբեջանական ԶԼՄ-ները։
«Մենք ունեինք համագործակցության տարբերակ, որը մենք անվանում էինք «Հինգի կամ Վեցի պլատֆորմ»: Այս առումով մենք այս պահին դրական ուղերձներ ենք ստանում Հայաստանի վարչապետ Նիկոլ Փաշինյանից: Այս դրական ուղերձների հետ մեկտեղ, մենք որոշ քայլեր կանենք այս հարցում։
Մենք հնարավորություն կստանանք լավ զարգացնել տարածաշրջանում խաղաղության հաստատման հարցը: Սա ներառված է այն հարցերի օրակարգում, որոնք ես կքննարկեմ պարոն Վլադիմիր Պուտինի հետ ամսվա վերջին: Այսպիսով, թուրք-ռուսական հարաբերությունները նոր հզոր ազդակ կստանան»,-ասել է Էրդողանը:
Նշենք, որ Էրդողանն առաջարկում է Թուրքիայի, Ադրբեջանի, Ռուսաստանի, Իրանի և Հայաստանի մասնակցությամբ «Հինգի պլատֆորմ» կամ «Վեց պլատֆորմ» ստեղծել, եթե այնտեղ ներառվի նաև Վրաստանը:
