ՀՀ կառավարության որոշմամբ՝ Ռազմիկ Թևոնյանը կնշանակվի Արարատի մարզպետ: Որոշումը ներառված է գործադիրի վաղվա նիստի օրակարգում:

Մեկ այլ որոշմամբ էլ Գարիկ Սարգսյանը կազատվի մարզպետի պաշտոնից։

Ռազմիկ Քերոբի Թևոնյանը ծնվել է 1961թ.-ին Արարատի շրջանի Արալեզ գյուղում։

1980-1985թթ. սովորել է Հայկական գյուղատնտեսական ինստիտուտում։

1985-1987թթ. աշխատել է Արտաշատի պահածոների գործարանում որպես տեխնոլոգ։

1987-1991թթ. ստանձնել է Արարատի պահածոների գործարանի արտադրամասի պետի պաշտոնը։

1991թ-ից մինչ օրս Երասխի գինու գործարանի տնօրենն է։

Մասնակցել է Արցախյան ազատամարտին:

Կազմակերպել է Հայաստանի սահմանների ինքնապաշտպանությունը։

Ամուսնացած է, ունի 4 երեխա։

2017թ.-ի Խորհրդարանական ընտրություններին ԵԼՔ դաշինքի կողմից առաջադրվել է որպես ԱԺ պատգամավորի թեկնածու։