«Կառուցողական երկխոսության հանձնառություն» ծրագրի շրջանակներում, որը ֆինանսավորվում է Եվրամիության կողմից, հուլիսի 11-ին Կապանի քաղհասարակության կազմակերպությունների ինկուբատորի մասնակիցների համար երկու դասընթաց է անցակվել․ «Արդարադատության ոլորտ. Դատական համակարգում էթիկայի վարքագծի բարելավման անհրաժեշտությունը» և «Գյուղատնտեսություն. Խաչաձև՝ էլեկտրոնային գյուղատնտեսության բարելավման և զարգացման անհրաժեշտությունը» թեմաներով:

Ծրագրի մենթորների խմբի ղեկավար, արդարադատության և հարակից ոլորտների մենթոր Մարատ Ատովմյանը դասախոսություն կկարդա՝ ներկայացրեց դատական համակարգում էթիկայի վարքագծի բարելավման անհրաժեշտությունը:

ՓՄՁ Համագործակցության Ասոցիացիայի փորձագետ Արթուր Գոմկցյանը ներկայացրեց, թե ի՞նչ է էլեկտրոնյաին գյուղատնտեսությունը։ Նրա խոսքով էլ. գյուղատնտեսությունը դա գյուղատնտեսությունում տեղեկատվական և հաղորդակցման տեխնոլոգիաների օգտագործման նոր ձևերի ու մեթոդների նախագծումը, զարգացումը և կիրառումն է: Այն նպաստում է գյուղատնտեսության և համայնքային զարգացմանը տեղեկատվական համակարգերի և հաղորդակցման գործընթացների բարելավման միջոցով:

Արթուր Գոմկցյանը նաև նշում է, որ էլեկտրոնային գյուղատնտեսությունն օգնում է բարելավել գյուղատնտեսությունում ներգրավվածների կենսամակարդակը հետևյալի միջոցով.

• ավելի բարձր արտադրողականություն
• եկամուտների ավելացում
• ռիսկերի նվազեցում։