Կեմերովոյում վառվող առևտրի կենտրոնի հրդեհը նոր ուժով է բռնկվել: Հրշեջները կրակը փորձում են հանգցնել:
«Զիմնյայա Վիշնյա» առևտրի կենտրոնում հրդեհի հետևանքով զոհվածների թիվն ավելացել և հասել է 64-ի: Այս մասին հայտնում է «ՌԻԱ Նովոստի» լրատվական լայքը:
ԱԻՆ-ի աշխատակիցները շարունակում են հրդեհի մարման աշխատանքները, իսկ առևտրի կենտրոնի օդափոխության համակարգից շատ թանձր ծուխ է բարձրանում:
Նշենք, որ շրջանի ղեկավար Աման Տուլեևի խոսքով՝ զոհվածների ընտանիքներին 1 միլիոն ռուբլի կտրամադրվի:
Հիշեցնենք, որ հրդեհը բռնկվել է առևտրի և զվարճանքի կենտրոնի վերջին՝ չորրորդ հարկում: Շենքից փրկել են 20 մարդու, ևս 100-ին տարհանել են: Օպերատիվ շտաբի վերջին տեղեկություններով՝ հայտնի է 64 զոհի մասին, 40-ից ավելի մարդ բժշկական օգնության է դիմել: Նախնական տվյալներով զոհվել է 9 երեխա:
Եվս մի քանի տասնյակ մարդկանց ճակատագիրն անհայտ է:
