Այսօր Կոտայքի մարզի ընդհանուր իրավասության դատարանում դատավոր Արիստակես Սիսակյանի նախագահությամբ կայացավ գումարի բռնագանձման պահանջով դատական նիստ: Դատական նիստին բացակայում էր երկրորդ պատասխանող Արսեն Հակոբյանը: Վերջինս բանավոր կարգով խնդրել էր մյուս պատասխանող Վարդան Թովմասյանին` դատարանին հայտնել իր վատառողջության և իր համաձայնության մասին` գործի քննությունը առանց իր ներկայության շարունակելու մասին: Նշենք նաև, որ պատասխանող Արսեն Հակոբյանը նախապես դատարանին չէր ներկայացրել որևէ փաստաթուղթ իր հիվանդության վերաբերյալ: Հաշվի առնելով պատասխանող կողմի կարծիքը դատաքննությունն առանց երկրորդ պատասխանողի ներկայության չշարունակելու մասին` դատարանը որոշեց հետաձգել դատական նիստը մինչև 2012 թվականի հոկտեմբերի 17, ժամը 16:00-ը:

Աղբյուրը՝ Իրավաբան.net