Մարտակերտ քաղաքում երեկ ուշ երեկոյան ադրբեջանական կողմից համեմատաբար դադարեցված հրետակոծությունը նոր ակտիվությամբ վերսկսվել է այսօր առավոտյան առավոտյան ժամը 09:00- ի սահմաններում և կարճ դադարներով մինչև այս պահը շարունակվում է:
Այդ մասին «Արցախպրես»-ի թղթակցի հետ զրույցում ասել է Մարտակերտի շրջվարչակազմի ղեկավար Վլադիկ Խաչատրյանը` հավելելով, որ քաղպաշտպանության պլանի համաձայն քաղաքի բնակչությունը պատսպարվել է ռմբապաստարաններում և հրետակոծության դադարների ժամանակ դուրս գալով զբաղվում է առօրյա խնդիրների լուծմամբ:
«Մարտակերտում բարձր աստիճանի պատրաստականության է բերված քաղպաշտպանության շտաբը: Բացի այդ ակտիվությամբ են գործում շրջկենտրոնի ենթակառուցվածքների գործունեությունը ապահովող ծառայությունները, որոնք թշնամու կողմից վնասված ենթակառուցվածքները փորձում են արագ վերականգնել»,-մանրամասնել է Մարտակերտի շրջվարչակազմի ղեկավարը՝ հավելելով, որ իրավիճակն ամբողջությամբ վերահսկվում է և բնակչության շրջանում շարունակում է գերիշխել մարտական տրամադրությունը:
![Martakert_5](https://iravaban.net/wp-content/uploads/2016/04/Martakert_5.jpg)
![Martakert_4](https://iravaban.net/wp-content/uploads/2016/04/Martakert_4.jpg)
![Martakert_2](https://iravaban.net/wp-content/uploads/2016/04/Martakert_2.jpg)
![Martakert_1](https://iravaban.net/wp-content/uploads/2016/04/Martakert_1.jpg)
Իրավաբան.net