ՀՀ հատուկ քննչական ծառայությունում ՀՀ ոստիկանության Մեծամորի բաժնում նախապատրաստված նյութերի հիման վրա ՀՀ քրեական օրենսգրքի 185-րդ հոդվածի 1-ին մասի հատկանիշներով հարուցվել է քրեական գործ:
Ըստ նախապատրաստված նյութերի` ՀՀ ոստիկանության ծառայող Կարեն Ք.-ն 2014թ. օգոստոսի 9-ի լույս 10-ի գիշերը քարով դիմապակուն հարվածելու և ավտոմեքենայի կառավարմանը խոչընդոտելու եղանակով դիտավորությամբ 225.000 ՀՀ դրամի նյութական վնաս է պատճառել իր նախկին ընկերուհու` Վիոլետա Հ.-ին պատկանող ավտոմեքենային:
Կատարվում է նախաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

Իրավաբան.net