Հայաստանի Հանրապետության գործադիր իշխանությունը իրականացնում է Հայաստանի Հանրապետության կառավարությունը: Կառավարությունը կազմված է վարչապետից և նախարարներից: Այս մասին սահմանում է Սահմանադրությունը:
Կառավարությունը հրաժարական է տալիս Ազգային ժողովի կողմից կառավարությանն անվստահություն հայտնելու, Հանրապետության նախագահի կողմից վարչապետի հրաժարականն ընդունելու կամ վարչապետին ազատելու դեպքերում: Հրաժարական տված կառավարության անդամները շարունակում են իրենց գործունեությունը մինչև իրենց պաշտոններում նոր նշանակումներ կատարվելը կամ նորկառավարության կազմավորվելը:
Կառավարությունը կազմավորում է Հանրապետության նախագահը` կառավարության հրաժարականի դեպքում` քսանօրյա ժամկետում:
Կառավարությունը համարվում է կազմավորված, եթե նշանակվել են կառավարության բոլոր անդամները:
