ԱՄՆ նախագահ Դոնալդ Թրամփը ուղերձ է հղել Հայոց ցեղասպանության 110-րդ տարելիցի կապակցությամբ: Իր ուղերձում, սակայն, ԱՄՆ նախագահը չի օգտագործել «Ցեղասպանություն» եզրույթը:
«Այսօր մենք ոգեկոչում ենք Մեծ Եղեռնի հիշատակը և հիշատակում այն հրաշալի հոգիներին, որ տուժել են 20-րդ դարի ամենասարսափելի աղետներից մեկի ժամանակ։
1915 թվականից սկսած մեկուկես միլիոն հայեր աքսորվեցին և մահացան Օսմանյան կայսրության վերջին տարիներին: Հիշատակի այս օրը մենք կրկին միանում ենք Ամերիկայի և ամբողջ աշխարհի հայ մեծ համայնքին՝ սգալով կորցրած բազմաթիվ կյանքերի համար:
Ամեն տարի ապրիլի 24-ին մենք անդրադառնում ենք ամերիկացի և հայ ժողովուրդների ամուր և հարատև կապերին։…Այս օրը մենք վկայում ենք ողբերգության դեմ հայ ժողովրդի ուժի և տոկունության մասին: Մենք բախտավոր ենք, որ այդքան շատ հայեր բերել են իրենց հարուստ մշակույթը մեր ափեր և այդքան մեծ ներդրում են ունեցել մեր երկրի համար:
Մենք ակնկալում ենք շարունակել մեր ռազմավարական գործընկերությունը Հայաստանի հետ և աջակցել տարածաշրջանային կայունությանը՝ ձգտելով հասնել կայուն բարգավաճման և անվտանգության»,- ասվում է ուղերձում:
