Ռուսաստանը նպաստել է հայ-թուրքական գործընթացի մեկնարկին, որին միացան նաև իրանցի գործընկերները, ասել է ՌԴ ԱԳ նախարարը Ստամբուլում «3+3» տարածաշրջանային հարթակի հանդիպման արդյունքներով կայացած մամուլի ասուլիսում։
«Ներկայումս հանդիպումներ նախատեսված չեն, հայ գործընկերները դադար են վերցրել։ Նրանք կարծում են, որ նախ պետք է ուղղակիորեն շփվել թուրքերի հետ և հասկանալ, թե ինչ է պետք անել»։
Լավրովը կարծում է, որ գործընթացն ամեն դեպքում կապված է հայ-ադրբեջանական հարաբերությունների կարգավորման հետ։ Ուստի հանդիպմանն առաջարկվել է համակողմանիորեն քննարկել այս բոլոր հարցերը և խրախուսել ներգրավված երկրներին, որպեսզի նրանք հնարավորինս շուտ պայմանավորվեն։
