Բոլոր արտաքին դիտորդների համար ակնհայտ էր, որ Թրամփի կյանքին վտանգ է սպառնում, ասել է Դմիտրի Պեսկովը։
Նա նշել է, որ Ռուսաստանը խստորեն դատապարտում է քաղաքական պայքարի ընթացքում բռնության ցանկացած դրսեւորում։ Այս մասին հայտնում է «ՏԱՍՍ»–ը։
Ռուսաստանի Դաշնությունը ցավակցություն է հայտնում բոլոր զոհվածներին և շուտափույթ ապաքինում է մաղթում Թրամփի դեմ մահափորձի ժամանակ վիրավորվածներին, ասել է Պեսկովը։
Նա հավելել է, որ Պուտինը չի պատրաստվում զանգահարել Թրամփին։
«Թրամփի դեմ մահափորձն իրականացվել է ԱՄՆ իշխանությունների կողմից ստեղծված բռնության մթնոլորտի պատճառով»,- հայտնել է Պեսկովը։
ՌԴ նախագահի մամուլի քարտուղարը հավելել է նաեւ, որ Կրեմլը չի միջամտում ԱՄՆ-ի ընտրություններին եւ մտադիր չէ դատել դրանց հետագա արդյունքների օրինականության մասին։
