Բելառուսի նախագահ Ալեքսանդր Լուկաշենկոն անդրադարձել է Հայաստանի և Ադրբեջանի հակամարտությանը՝ նշելով, որ այդ կոնֆլիկտի համատեքստում վերջին իրադարձությունները չէին լինի, եթե ժամանակին կողմերը լսեին այն, ինչ նրանց ասվում էր։
«Դա չէր լինի Հայաստանում և Ադրբեջանում, եթե ժամանակին լսեին այն, ինչ ասվում էր։ Եվ Փաշինյանը չի սրանում մեղավոր։ Նրան այս ամենը որպես ժառանգություն էր հասել, կներեք, որ ես սրա մասին խոսում եմ։ Ես այն ժամանակ հայտնվել էի Իլհամ Ալիևի և Սարգսյանի միջև և հրապարակային առաջարկում էի, որ պետք է հարցը լուծել այնպես, ինչպես այդ պահին կարելի էր։ Չարեցին։
Ի՞նչ է, Հայաստանի համար ավելի լավ եղա՞վ, ոչ։ Ադրբեջանի համար էլ հեշտ չէ»,- «Արմենպրես»-ի փոխանցմամբ՝ հայտարարել է Լուկաշենկոն՝ ելույթ ունենալով ԱՊՀ անդամ երկրների անվտանգության օրգանների և հետախուզական ծառայությունների ղեկավարների հետ հանդիպմանը։
