Հայաստանը Համաշխարհային բանկից 2,9 մլն դոլար դրամաշնորհ կստանա Լեռնային Ղարաբաղից բռնի տեղահանված դպրոցականներին օգնելու համար։ Այս մասին հայտնում են Համաշխարհային բանկի մամուլի ծառայությունից։
2,9 միլիոն դոլար դրամաշնորհը կաջակցի տեղահանված երեխաների և դեռահասների սոցիալական ինտեգրմանը հայկական դպրոցներում, ինչպես նաև դպրոցի անձնակազմի կարողությունների զարգացմանը և ուսուցմանը` տեղահանված երեխաներին և դեռահասներին, նրանց ընտանիքներին և հյուրընկալող համայնքների ուսանողներին տրամադրելու համապատասխան հոգեբանական աջակցություն:
Դրամաշնորհն ուղղվելու է նաև դպրոցի անձնակազմի մենթորությանը՝ տեղահանված երեխաներին և դեռահասներին, նրանց ընտանիքներին և հյուրընկալող համայնքների աշակերտներին անհատական հոգեկան առողջության օգնություն և հոգեսոցիալական աջակցություն ցուցաբերելու համար:
Համաշխարհային բանկը ներկայում 500 մլն դոլար ընդհանուր արժողությամբ 10 ծրագիր է ֆինանսավորում Հայաստանում:
