Արտերկրում ՀԱՄԱՍ շարժման ղեկավար Խալեդ Մեշալն ասել է, որ հենց ԱՄՆ-ն է ղեկավարում Գազայի հատվածում կազմակերպության և այլ պաղեստինյան ուժերի դեմ պատերազմը։
«Ամերիկան այսօր ղեկավարում է այս պատերազմը և ծրագրում է հասնել իր նպատակներին՝ հաղթել ՀԱՄԱՍ-ին, աջակցել Իսրայելին և նրան զենք մատակարարել», – ասվում է Մեշալի հայտարարության մեջ, որը հրապարակվել է շարժման սոցիալական ցանցում:
Նրա խոսքով՝ «օկուպանտները ցանկանում են ջախջախել ՀԱՄԱՍ-ն ու Գազայի հատվածը» եւ ոչնչացնել պաղեստինյան շարժման ժողովրդական աջակցությունը։
Նա նաև նշել է, որ ՀԱՄԱՍ-ը նախկինում «մասնակցել է Իսրայելի դեմ հինգ պատերազմի և կարողացել է համառորեն դիմակայել նրան»։
