Ադրբեջանի արտաքին գործերի նախարարությունը հանդես է եկել հայտարարությամբ։ Նրանք հորդորել են, որ Հայաստանը անհապաղ դադարեցնի բոլոր «ռազմական սադրանքները»։
Նշենք, որ Շուշիի շրջանի օկուպացված հատվածում ականի պայթյունի հետևանքով ադրբեջանցի երեք զինծառայող է վիրավորվել։
Ադրբեջանի ԱԳՆ-ն հայտարարել է, թե իբր այդ հատվածում հայկական կողմն է ականներ տեղադրել։
«Շուշիի շրջանում Հայաստանի կողմից «ռազմական սադրանքի արդյունքում» հատուկ տեղադրված ականի վրա պայթել է ադրբեջանական բանակի ռազմական բեռնատարը, վիրավորվել է երեք զինծառայող»,- ասվում է ԱԳՆ հաղորդագրության մեջ։
Նշենք, որ Արցախը Հայաստանին կապող միակ ճանապարհը 132 օր փակ է։
