Երգչուհի և դերասանուհի Լեդի Գագան ԱՄՆ նախագահ Ջո Բայդենի կողմից կնշանակվի նախագահի մշակույթի և արվեստի կոմիտեի համանախագահ։ Այս մասին ասվում է նախագահի մամուլի ծառայության տարածած հաղորդագրության մեջ։
2-րդ համանախագահ կնշանակվի պրոդյուսեր Բրյուս Քոհենը։
Փաստաթղթում նշվում է, որ Լեդի Գագան (իրական անունը՝ Ստեֆանի Ջոան Անջելինա Ջերմանոտա) Գրեմմիի 13 մրցանակի սեփականատեր է և պատմության մեջ ամենահաջող կոմերցիոն կատարողներից է։
Կոմիտեն, որը ստեղծվել է 1982 թվականին, խորհուրդներ է տալու ԱՄՆ նախագահին և ԱՄՆ կառավարության պաշտոնյաներին մշակութային քաղաքականության հարցերում։
Լեդի Գագան բազմիցս ելույթ է ունեցել Բայդենի քարոզարշավի շրջանակներում միջոցառումների ժամանակ և ակտիվորեն մասնակցել նրա աջակցության քարոզարշավին: 2021 թվականի հունվարին նա կատարել է ԱՄՆ հիմնը Բայդենի երդմնակալության արարողության ժամանակ։
