ՌԴ նախագահ Վլադիմիր Պուտինը Կոմունիստական կուսակցության առաջնորդ Գենադի Զյուգանովի հետ հանդիպմանը վստահություն է հայտնել, որ Ռուսաստանը կհաղթի ներկայիս դիմակայությունում, հայտնում է ТАСС-ը։
«Մենք պարտավոր ենք հաղթել և հաղթելու ենք»,- զրույցի ընթացքում ասել է Զյուգանովը՝ խոսելով «նացիստների» և Եվրոպայի դեմ պայքարի մասին, որն «ընկել է ամերիկացիների կրնկի տակ»։
Պուտինն ի պատասխան համաձայնել է նրա հետ․ «Այդպես էլ կլինի»։
Նախագահը պաշտպանել է նաև Զյուգանովի մյուս թեզը, որը վերաբերում է Ռուսաստանի և Արևմուտքի գաղափարական առճակատմանը։
«Դպրոցականների և ուսուցիչների հետ աշխատելը չափազանց կարևոր է: Նացիստական այս կեղտոտ քարոզչության պատճառով շատ ուղեղներ են տեղափոխվել այնտեղ»,- դժգոհել է Կոմկուսի առաջնորդը՝ խոսելով Դոնբասի երեխաների մասին։
«Այո»,- ի պատասխան ասել է Պուտինը։
Ըստ Զյուգանովի, «նացիստների, ֆաշիստների դեմ պայքարն այսօր վճռորոշ նշանակություն ունի»։
«Ես 20 տարի աշխատել եմ Եվրախորհրդում, չէի պատկերացնում, որ Եվրոպան կարող է այդքան ընկնել ամերիկացիների կրնկի տակ, և նրանք պարզապես լկտիացել են»,- Կոմկուսի առաջնորդը։
