Ուկրաինան խզել է Ռուսաստանի հետ միջկառավարական համաձայնագիրը խաղաղ տիեզերական հետազոտության ոլորտում համագործակցության մասին։ Այս մասին հայտարարել է Գերագույն ռադայում Ուկրաինայի կառավարության ներկայացուցիչ Տարաս Մելնիչուկը, փոխանցում է ТАСС-ը։
«Ուկրաինայի կառավարության և Ռուսաստանի Դաշնության կառավարության միջև խաղաղ նպատակներով տիեզերքի հետախուզման և օգտագործման ոլորտում համագործակցության մասին համաձայնագիրը դադարեցվել է», – գրել է նա Telegram-ի իր ալիքում։
Փաստաթուղթը ստորագրվել է 1996թ.։
Ուկրաինայի իշխանությունները պարբերաբար հայտարարում են Ռուսաստանի և Բելառուսի, ինչպես նաև ԱՊՀ շրջանակներում կնքված պայմանագրերից դուրս գալու մասին։
