Կյանքից հեռացել է Հայաստանի սոցիալական ապահովության նախկին նախարար Նարինե Բալայանը։ Այս մասին հայտնում են Աշխատանքի և սոցիալական հարցերի նախարարությունից։

«Տիկին Բալայանը Հայաստանի սոցիալական ապահովության նախարարի պաշտոնում եղել է 1985-1990թթ․, այնուհետ զբաղեցրել նախարարության Աշխատանքի և սոցիալական հետազոտությունների ազգային ինստիտուտի տնօրենի, ապա ԱՍՀ նախարարի խորհրդականի պաշտոնները։ Վերջին տարիներին աշխատել է նույն ինստիտուտի Կենսաթոշակային և ժողովրդագրության հիմնախնդիրների բաժնում։

ԱՍՀ նախարարությունը խորին ցավակցություններ է հղում Նարինե Բալայանի ընտանիքին և մերձավորներին»,-ասված է հաղորդագրության մեջ։

Լուսանկարում՝ Աշխատանքի և սոցիալական հարցերի նախարար Նարեկ Մկրտչյանը և Նարինե Բալայանը