Նոյեմբերի 21-ին Բելգրադն ու Պրիշտինան Բրյուսելում բանակցություններ կվարեն Կոսովոյի օրենքի շուրջ, որն արգելում է սերբական համարանիշները։ Օգոստոսին դրա պատճառով անկարգություններ էին սկսվել Բալկաններում, իսկ նոյեմբերի սկզբին օրենքն ուժի մեջ մտավ, և Կոսովոյում Սերբիայի ներկայացուցիչները հրաժարվեցին աշխատել տեղական պետական կառույցներում։
Նախագահ Վուչիչի խոսքով՝ Կոսովոյի իշխանությունները չեն չեղարկի սերբական համարների համար տուգանքների մասին որոշումը, և դրա պատճառով կտրուկ սրացում կսկսվի Կոսովոյի և Մետոհիայի հյուսիսում գտնվող տարածաշրջանում։
«Կոսովոյի ոստիկանությունը անելիք չունի Կոսովոյի և Մետոհիայի հյուսիսում, այդ դեպքում մենք կունենանք «դժոխք գետնին… Սերբիան այս դեպքում կլինի իր ժողովրդի հետ, իսկ սերբերը կպաշտպանեն իրենց տները», – ասել է նախագահը:
Նա հավելել է, որ Սերբիան «ամեն ինչ արեց հակամարտությունը կանխելու համար»։
Միևնույն ժամանակ, ԱՄՆ-ը պնդում է բանակցությունների վարման մասին, նրանք կոչ են անում Կոսովոյի իշխանություններին «բաց թողնել դռները պետական կառույցներ սերբերի վերադարձի համար և կարգավորել երկխոսությունը Բելգրադի հետ»։
Կոսովոյի ղեկավար Կուրտին ԱՄՆ պաշտոնյաների հետ զրույցից հետո ասել է, որ նոր համաձայնագիրը պետք է լինի «փոխադարձ ճանաչման» կենտրոնում։
