Հատուկ գործողության ընթացքում մարտերն արդեն ընթանում են ռուսական տարածքում, քանի որ Ռուսաստանը թույլ է արձագանքում Ուկրաինայի Զինված ուժերի հարձակումներին, ասել է Չեչնիայի Հանրապետության ղեկավար Ռամզան Կադիրովը։
«Իմ կարծիքով, մենք թույլ ենք արձագանքում Ուկրաինայի զինված ուժերի այս հարձակումներին։ Եթե ուկրաինական արկերը թռչեն մեր տարածք, ի պատասխան՝ պետք է երկրի երեսից ջնջել Ուկրաինայի քաղաքները։ Նրանք նույնիսկ չպետք է մտածեն մեր ուղղությամբ կրակելու մասին»,- պարզաբանել է Կադիրովը ձայնային հաղորդագրության մեջ, որը հրապարակել է Telegram-ի իր ալիքում։
Նրա կարծիքով՝ Ռուսաստանի Դաշնությունը պետք է ավելի լուրջ քայլեր ձեռնարկի, մինչդեռ ԱՄՆ-ն ու արեւմտյան երկրները քիչ բան կարող են անել։ Կադիրովը նաեւ ընդգծել է, որ մի քանի օրվա ընթացքում միայն չեչեն մարտիկները ոչնչացրել են ավելի քան 50 միավոր զինտեխնիկա։
