Հարուցված քրեական վարույթի շրջանակներում ձեռնարկած միջոցառումներով ոստիկանության Քանաքեռ-Զեյթունի բաժնի քրեական հետախույզներն ապօրինի թմրաշրջանառության մասին օպերատիվ տվյալներ ստացան, որոնք իրացրին օգոստոսի 10-ին՝ համագործակցելով ոստիկանության այլ ստորաբաժանումների ծառայողների հետ։
Իրավապահները զննեցին Երևանի Ռուբինյանց փողոցի բնակարաներից մեկը: Հայտնաբերվեցին կանեփի 58 բույս և 4 փաթեթ՝ մարիխուանայի նմանվող զանգվածով:
Ըստ 62-ամյա տանտիրոջ՝ կանեփն ինքն էր աճեցրել իր օգտագործման համար:
Տղամարդը ձերբակալվել և ներկայացվել է տարածքային քննչական բաժին:
Հանգամանքները նախաքննությամբ պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
