Անկարայում ԱՄՆ դեսպան Ջեֆ Ֆլեյքը այսօր՝ մայիսի 22-ին, կանչվել է Թուրքիայի ԱԳՆ՝ կապված Ստամբուլում ընդդիմության հանրահավաքում ԱՄՆ դիվանագիտական ներկայացուցչության հայտարարության հետ՝ անվտանգության միջոցների մասին։ Այս մասին «ՏԱՍՍ» լրատվական գործակալությանը հայտնել է Թուրքիայի ԱԳՆ-ի աղբյուրը։
«Դեսպան Ֆլեյքին հայտնեցին մեր դժգոհությունը հանրահավաքի նախօրեին հնչեցրած նախազգուշացումների կապակցությամբ, որոնք անհիմն պնդումներ էին պարունակում նման հանրահավաքներում մեր անվտանգության ուժերի կողմից ձեռնարկված միջոցների մասին»,- ասել է աղբյուրը։
